скрипт для АДГС

Стиль для галереи

You are here

Департаменттің қызметі туралы

 

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ҚЫЗМЕТ ІСТЕРІ ЖӘНЕ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ ОҢТҮСТІК ҚАЗАҚСТАН ОБЛЫСЫ БОЙЫНША ДЕПАРТАМЕНТІНІҢ   2017 ЖЫЛДЫҢ І ЖАРТЫЖЫЛДЫҒЫНДА АТҚАРҒАН ЖҰМЫСТАРЫ ТУРАЛЫ МӘЛІМЕТ

 

МЕМЛЕКЕТТІК ҚЫЗМЕТТІ ЖҮЗЕГЕ АСЫРУ

 

2017 жылдың бірінші жарты жылдығында 956 бос мемлекеттік әкімшілік лауазымға конкурс жарияланған.

Оның 501-нің (53 %) жеңімпаздары анықталған. Оның ішінде меритократия принциптеріне сәйкес, 179 (36 %) жеңімпаз төменгі лауазымнан жоғары лауазымға тағайындалған. 

Облысымызда кәсіби мемлекеттік аппаратты құру мақсатында әнгімелесу барысын әділ және айқын өткізуге атсалысатын байқаушылар мен сарапшылардың үлесі ағымдағы  жылдың І-тоқсанында 98 % жеткізілсе, алғашқы жарты жылдығында бұл көрсеткіш 100 % құраған. Яғни, былтырғы жылмен салыстырғанда 8%-ға көтерілді.

 

Оқыту (РЦО)

 

         2017 жылға 1749 мемлекеттік қызметшіні оқыту жоспарланған. Оның ішінде қайта даярлау бойынша – 604, біліктілігін арттыру бойынша – 1145.

2017 жылдың ІI-тоқсанына облыс бойынша  845 (49 %) мемлекеттік қызметші оқып, оның ішінде 587 (52 %) мемлекеттік қызметші біліктілігін арттыру курстарын аяқтаса, 258 (43 %) мемлекеттік қызметші мемлекеттік қызметке жаңадан тағайындалуына байланысты қайта даярлаудан өткен.  

 

Тәлімгерлік және тағылымдамадан өту 

 

 Ұлт жоспарының 4 қадамына сәйкес облыс бойынша 505 жаңадан тағайындалған қызметшілер 3 ай сынақ мерзімінен сәтті өтті.

2017 жылдың І-жарты жылдығында жоспарланған қызметшілердің барлығы тағылымдамадан өтті.

МЕМЛЕКЕТТІК ҚЫЗМЕТ КӨРСЕТУ

 

  Мемлекет басшысының «Қазақстанның Үшінші жаңғыруы: жаһандық бәсекеге қабілеттілік» атты Жолдауында мемлекеттік қызметтер көрсету үдерісін мейлінше оңтайландыру, адамның өзі баруын қажетсінбейтін қызметтерді толық электрондық форматқа көшіру тапсырылды.

Осығын орай, Департамент тарапынан электронды түрде көрсетілетін қызметтердің үлесін арттыру мақсатында зерттеу жұмыстары жүргізіліп, Агенттікке электронды Порталға ЭЦҚ-сыз кіру тәжірибесін енгізу үшін Тізілімдегі қызметтерді қайта қарап, құқықтық жауапкершілікке әкеп соғатын заңнамаларды бұзуға қатысы бар қызметтерді ЭЦҚ арқылы алуды қалдырып, ал қалған қызметтерді логин/пароль  арқылы алу бойынша ұсыныс жолданды.

Ұсыныстың нәтижесінде, 1 шілдеден бастап 20-ға жуық оның ішінде «Дәрігердің қабылдауына жазылу», «Дәрігерді үйге шақыру», «Алғашқы медициналық-санитариялық көмек көрсететін медициналық ұйымдарға тіркелу» қызмет түрлерін ЭЦҚ-сыз яғни логин/пароль арқылы қызмет алу бойынша Тізілімге енгізілді.

- Мемлекеттік корпорациямен бірлесіп бекітілген іс-шаралар жоспарына сәйкес, мемлекеттік көрсетілетін қызметтер бойынша 56 рет азаматтарды қабылдау жүргізілді;

 

- Ауыл тұрғындарының электрондық веб-портал арқылы көрсетілетін қызметтерді ауылдық округ әкімдері аппараттарында алуына мүмкіндік жасау үшін 181 маман «egov.kz» электронды порталы арқылы қызметтерді көрсету тәртібі бойынша ХҚКО-да тағылымдамадан өткізілді.

 

- «Қазақстан Республикасының азаматтарын тұрғылықты жері бойынша тіркеу» Мемлекеттік көрсетілетін қызметі бойынша жадынама әзірленіп, 520 данасы таратылды;

 

- Мемлекет пен үкіметтік емес ұйымдардың, сонымен қатар халықтың өзара іс-қимылын белсендендіру, мемлекеттік көрсетілетін қызметтер сапасын арттыруды қамтамасыз етуді жетілдіру мақсатында Департаменттің жанынан Ведомствоаралық жұмыс тобы құрылып, 2017 жылдың ақпан, маусым айларында ведомствоаралық жұмыс тобының отырыстары өткізілді.

 

- Облыстық қоғамдық кеңесінің 2017 жылдың ІІ­-тоқсанындағы отырысында «Баламалы негізде көрсетілетін қызметтердің «электрондық үкімет» веб порталы және «Азаматтарға арналған үкімет» МК арқылы көрсету үлесін арттыру» мәселесін қарау күн тәртібіне енгізіліп, ОҚО әкімі аппаратының басшысы Ә.Тұрғымбековтың баяндамасы мен жергілікті атқарушы органдардың 2016 - 2017 жылғы баламалы негізде көрсетілген мемлекеттік қызметтер бойынша Департаменттің ақпараты тыңдалды.

 

- «memkyzmet.kz» интернет-ресурсына қосымша «Е.gov.kz» веб-порталы арқылы қызметтерді алу тәсілдері бойынша 19 бейнероликтер, ЭЦҚ алу алгоритмдері туралы, жер кадастры және жылжымайтын мүлікті техникалық тексеру департаментінің - 14; Әлеуметтік төлемдерді ведомствоаралық есептеу орталығының - 11 мемлекеттік қызмет көрсету стандарттары орналастырылды;

 

        - Қызмет алушылардың «memkyzmet.kz» сайтына қол жетімділігін арттыру бойынша Мемлекеттік корпорацияның қызмет алушыларға ұсынатын қолхаттың артқы бетіне Департаменттің 8 (7252) 515151 сенім телефонына хабарласу және сайтқа ұсыныс жолдауға болатыны және қызмет түрлерін, қызмет көрсетуші мекеме атауларын, қызмет көрсету мерзімі мен қажетті құжаттар тізбесі туралы хабарлама басылып шығарылуда (қолхаттың таратылымы күніне 6000 мыңға жуық);

Сонымен қатар, аймақтық құқықтық оқыту орталығында қайта даярлау және біліктілігін арттыру курстарына «мемлекеттік көрсетілетін қызметтер» тақырыбы енгізіліп, Департамент қызметкерлерімен дәрістер оқытылуда.

Оңтүстік Қазақстан облысы жалпы 354 мемлекеттік қызмет түрлерін көрсетеді.

        Оның ішінде:

        - жергілікті атқарушы органдармен - 174,

        - орталық мемлекеттік органдардың аумақтық бөлімшелері - 180.

2017 жылдың І - жартыжылдығында көрсетілген қызметтердің жалпы саны - 12 476 017:

        - қағаз жүзінде - 806 687 (6,5%);

        - мүмкіндігі болса да қағаз түрінде - 4 710 970 (37,8 %);

        - мемлекеттік корпорация арқылы - 1 781 229 (14,3 %);

        - электронды түрде - 5 177 131 (41,5,%) ұсынылған.

 

       МЕМЛЕКЕТТІК ҚЫЗМЕТ САЛАСЫНДАҒЫ БАҚЫЛАУ

 

Әдеп жөніндегі кеңес туралы:

        Мемлекеттік қызмет саласында жұмысты жазалаудан әдеп бұзушылықтардың алдын-алуына бұру мақсатында, Агенттіктің Тәртіптік кеңестері аумақтық деңгейде Әдеп жөніндегі кеңестері болып қайта құрылған.

        Әдеп жөніндегі кеңес жұмысының басымдығы осыған дейін көбінесе тек тәртіптік істерді қараумен шектелсе, бүгінде кеңестің негізгі бағыттары сыбайлас жемқорлықтың алдын алуға және қызметтік әдеп нормаларын бұзушылықтардың профилактикасына қатысты іс-шаралар әзірлеумен байланысты негізгі міндеттерді атқаруға бағытталған.

        Осы ретте, бүгінгі күні Агенттік сыбайлас жемқорлықтың және қызметтік әдеп нормаларының орын алуының себептері мен алғышарттарын анықтап, оларды жоюды жұмысының басты бағыты ретінде ұстануда.   

        Мәселен, 2016, 2017 жылдардың есептік кезеңдеріндегі Әдеп жөніндегі кеңес жұмысының статистикалық мәліметін салыстырсақ, сыбайлас жемқорлық және қызметтік әдеп нормаларын бұзушылықтарын алдын-алуға бағытталған іс-шаралардың жүзеге асырылуына байланысты қаралған тәртіптік істер 26%-ға төмендеп, есесіне заңбұзушылықтардың алдын-алу бағытындағы профилактикалық мәселелер 70%-ға артқан.

        Басты себебі, Әдеп жөніндегі кеңесте қаралған әрбір тәртіптік іс бойынша анықталған заңбұзушылықтың себептері мен алғышарттарын анықтап, оларды жою бағытындағы, яғни заңбұзушылықты іске асыруға бағытталған кез-келген мүмкіндікті түпкілікті жоюға бағытталған жұмыстардың тұрақты түрде жүзеге асырылуы болып табылады.

        Бұл бағытта, Департаментпен сыбайлас жемқорлықтың және қызметтік әдеп нормаларын бұзушылықтарды алдын алу мақсатында, облыстың аудан, қала әкімдеріне Әдеп жөніндегі кеңесте қаралған мәселелерді қарамағындағы әкімдер мен қызметшілердің назарына жеткізіп, заңнама талаптарын қатаң сақтау бойынша үнемі хаттар жолдануда.

 

Әдеп жөніндегі кеңестің атқарған жұмысы бойынша:

        Биылға Әдеп жөніндегі кеңестің 4 отырысы өткізіліп, онда 54 мәселе қаралды, соның ішінде: 31 (57%) - тәртіптік іс, 19 (35%) мемлекеттік қызмет және сыбайлас жемқорлыққа қарсы іс-қимыл туралы заңнамалардың бұзылуын алдын-алу бойынша мемлекеттік органдардың жұмыс қорытындысы. 1 (2%) – Сыбайлас жемқорлық тәуекелдерін талдау қорытындыларын қарау,  3 (6%) – өзге де сұрақтар қаралды.

        Әдеп жөніндегі кеңес шешімдерімен Әдеп кодексі талаптарының бұзылуы бойынша 12 (52%), мемлекеттік қызметке кір келтіретін тәртіптік теріс қылық жасау деректері бойынша 11 (48%), барлығы 23 (74%) тәртіптік жауапкершілікке тарту туралы ұсыныс жолданып, 8 (26%) тәртіптік іс тоқтатылды.

 

Әдеп жөніндегі уәкіл туралы:

          Осыған дейін облыста Әдеп жөніндегі уәкілдің жұмысын бір ғана лауазымды тұлға атқарса, Президенттің 2017 жылғы 1 маусымдағы №487 Жарлығымен Әдеп жөніндегі уәкіл туралы ережеге енгізілген өзгерістер мен толықтырулардың негізінде, Әдеп жөніндегі уәкілдің дербес лауазымы бекітіліп, облыстағы мемлекеттік органдарда, сондай-ақ облыс пен аудан, қала әкімдері аппараттарында уәкілдердің қызметтері белгіленді.

        Бүгінде облысымыздың барлық мемлекеттік мекемелерінде әдеп жөніндегі уәкілмен өз жұмысын жүргізуде.

        Осы енгізілген жаңа норманың нәтижесі - мемлекеттік органдардағы қызметтік әдеп нормаларының сақталуы, мемлекеттік қызмет және сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін бұзушылықтардың профилактикалық жұмыстарының күшеюіне оң әсерін тигізетіні анық. 

 

СЫБАЙЛАС ЖЕМҚОРЛЫҚТЫҢ АЛДЫН АЛУ ЖҰМЫСТАРЫ

 

Биылғы жылдың басталуымен сыбайлас жемқорлыққа қарсы мәдениетті қалыптастыру мақсатында 300-ге жуық іс-шара өткізіліп, оған 23 500-ге жуық адам қатыстырылды.

Жоғары оқу орындарында профессорлық-оқытушылық құрам мен студент жастарды осы індетке қарсы қою мақсатында 6 конференция, 9 флэшмоб, облыстың 12 ЖОО-нының студенттерінің өздері дайындаған «Адал бол» бейнероликтерінің акциясы ұйымдастырылса, облыста 45 мыңнан аса мектеп оқушысы «Адал ұрпақ» ерікті клубтарына тіркеліп, әр түрлі секцияда  жұмыс жүргізуде.

Сонымен қатар, осы 12 жоғары оқу орындары мен  91 колледж   мамыр айында сыбайлас жемқорлыққа қарсы Хартияға  қол қойды.

Ондағы мақсат: жұртшылықтың сыбайлас жемқорлыққа қарсы санасын қалыптастыру және қазақстандық патриотизмді дамыту; жастар мен жастар ұйымдарын сыбайлас жемқорлықа қарсы саясатқа тарту. 

Бұл хартияға қол қою ЖОО-ның сыбайлас жемқорлыққа қарсы тәрбиелеудің басты қағидасы боп табылады.              

Қоғамда сыбайлас жемқорлыққа нөл төзімділікті қалыптастыруға бағытталған Ашық келісім аясында 126 мекемемен бірлескен іс-шара түзілді. 18000 астан адам осы ашық келісімге қосылды.

 «Адалдық алаңы» сайтына облыстың мыңға жуық азаматтары тіркелді

         Сыбайластыққа қарсы мәдениетті арттыруда әсіресе ауқымды жұмыс деп Республика бойынша  сынамалы тәртіпте іске қосылған «Есіктен есікке» бағдарламасы мен «Парасыз болашаққа. Бірге!» мобильді тобы туралы атап өтуге болады.

 «Есіктен есікке» бағдарламасы бүгінгі таңда өңірдің барлық елді мекендерінде жүзеге асырылып, облыс бойынша 160-қа жуық билборд, 50 мыңға жуық плакаттар ілінді және  азаматтарға қолма қол таратылды.

Шымкент қаласының 20 мини LED экранында  хабарламалар көрсетілуде.

Облыс бойынша әр тұрғын үйге көктем –жаз айларында ай сайын 557 000-нан  коммуналды төлем ақы түбіртектері  таратылып, 100% тұрғындарды қамтыды.

Сондай-ақ, облыста қоғамның белсенді және белгілі азаматтарынан сыбайлас жемқорлықтың кез келген көріністеріне мүлдем төзбеушілікті қалыптастыру және азаматтарды жедел қабылдау мақсатында «Парасыз болашаққа. Бірге!» ұранымен мобильді топ құрылды.

Мобильді топ барлық аудан-қалаларда арнайы безендірілген автобуспен 102 бағытта қабылдау жүргізді, халық көп жиналатын орындарда және 80-нен аса еңбек ұжымдарында ақпараттық-түсіндіру жиындарын өткізді.

Сондай-ақ, күнделікті қаланың 4 кинотеатрының 78 киносеансында, 70 көліктік маршруттың жарықэрандарында  7 реттен бейнероликтер көрсетілуде.

         2016 - 2017 жылдың бірінші жартыжылдығының қорытындысымен мемлекеттік органдар арасында  «Парасыз болашаққа бірге!» тақырыбында сыбайлас жемқорлыққа қарсы жұмыстың жүйелі жолға қойылуы  бойынша аймақтық конкурс өтті.

     Конкурс өткізудегі басты мақсат - мемлекеттік қызметтің оң имиджін арттыру, мемлекеттік қызметшілерді кәсіби тұрғыда ынталандыру және мемлекеттік органдардың сыбайлас жемқорлыққа қарсы іс-қимыл жұмыстарын жандандыру.

        Конкурс 2 номинация бойынша өтіп, «Сыбайлас жемқорлық профилактикасын белсенді жүргізген мемлекеттік орган» номинациясы бойынша бірінші дәрежелі дипломмен облыстық әділет департаменті марапатталса, екінші және үшінші дәрежелі дипломдарды облыстық статистика және мемлекеттік кірістер департаменттері иеленді.

         «Сыбайлас жемқорлыққа қарсы іс - қимылдың жаңашыл әдістері» номинациясы бойынша бірінші дәрежелі дипломды облыстық мемлекеттік кірістер департаменті, екінші орынды Шардара аудандық ішкі саясат бөлімі, үшінші дәрежелі дипломды Кентау қалалық мәслихаты иеленді.

 

 

 

 

Мобильді нұсқа RSS Сайт картасы